Blog Byw: Eisteddfod yr Urdd Sir Ddinbych

Da iawn hefyd heddiw i Gronw Ifan o Aelwyd JMJ am gystadlu yn y gystadleuaeth Unawd Cerdd Dant 19-25 oed ac i Mared Fflur Jones o Brifysgol Bangor am gystadlu yn y gystadleuaeth Unawd 19-25 oed. 

Llongyfarchiadau mawr i Aelwyd JMJ a’u harweinydd, Celt John, am ddod yn 3ydd yn y gystadleuaeth Côr S.A.T.B. 14-25 oed (gyda dros 40 o aelodau). 

Llongyfarchiadau mawr i Aelwyd JMJ am ddod yn fuddugol yn y gystadleuaeth Parti Cerdd Dant 14-25 oed.

Aelwyd JMJ yn canu ‘Sion a Sian’ yn wefreiddiol iawn! Cystadleuaeth olaf Eisteddfod yr Urdd Sir Ddinbych 2022 – Côr S.A.T.B. 14-25 oed (gyda dros 40 o aelodau).

Côr Aelwyd JMJ yn perfformio ‘Un Ydym Ni’ yn y gystadleuaeth Côr S.A.T.B. 14 – 25 oed (gyda 40 neu lai o aelodau). Swynol dros ben!

Llongyfarchiadau mawr i Cai Fôn Davies, cyn-ddisgybl Ysgol Tryfan a chyn-fyfyriwr Prifysgol Bangor, am dderbyn y wobr 1af yn y gystadleuaeth Llefaru Unigol 19-25 oed.

Llongyfarchiadau mawr i Gwenno Morgan, cyn ddisgybl Ysgol Tryfan, am dderbyn y wobr 1af yn chwarae’r biano yn y gystadleuaeth Unawd Offerynnol 19-25 oed.

Perfformiad cryf iawn o ‘Moliannwn’ gan Gôr Meibion Aelwyd JMJ yn y Pafiliwn Gwyrdd yng nghystadleuaeth Côr Meibion Tri Llais 14-25 oed (Aelwyd). 

Côr Merched Aelwyd JMJ yn perfformio ‘Dyro Wên i Mi’ yn hyfryd yn y gystadleuaeth Côr Merched S.S.A. 14-25 oed (Aelwyd).

Da iawn i Heloise Handby o Ysgol Friars am gystadlu yn y gystadleuaeth Band / Artist Unigol Blwyddyn 7 – 13.