gan
Sarah Wynn Griffiths
Mae Radio Ysbyty Gwynedd, elusen gofrestredig, yn falch o gefnogi Tîm Achub Mynydd Llanberis ar eu noson elusennol arbennig ar 26 Ionawr 2024.
Cliciwch yma i wrando eto.
Rhwng 8-9yh, bydd rhaglen arbennig Tîm Achub Mynydd Llanberis gyda’r cyflwynwyr Yvonne Gallienne a Sarah Wynn Griffiths yn amlygu gwaith heriol a gwerthfawr Tîm Achub Mynydd Llanberis.
Bydd cyfweliadau ac eitemau gwybodaeth arbennig, yn ogystal â chyfweliad gyda Jethro Kiernan sy’n gwirfoddoli yn Nhîm Achub Mynydd Llanberis.
Yn ystod y rhaglen elusennol ysbrydoledig ac addysgiadol hon, bydd Yvonne a Sarah yn codi ymwybyddiaeth o waith amhrisiadwy Tîm Achub Mynydd Llanberis, a rhannu gwybodaeth am sut y gall gwrandawyr gefnogi’r elusen trwy gyfleoedd gwirfoddoli a chodi arian.
Dywedodd Kevin Williams, Cadeirydd Radio Ysbyty Gwynedd “Rydym mor falch o gefnogi Tîm Achub Mynydd Llanberis. Mae’n gyfle gwych i ni weithio gyda’r elusen leol hon a chodi ymwybyddiaeth o’u gwaith heriol ac achub bywyd, yn ogystal â chyfleoedd codi arian a gwirfoddoli gyda’r elusen. Rydym wrth ein bodd yn gweithio gydag elusennau a byddem wrth ein bodd yn clywed gan elusennau eraill a hoffai weithio gyda ni ar un o’n rhaglenni elusennol arbennig. Gall unrhyw un sydd â diddordeb e-bostio radioysbytgwynedd@gmail.com”.
Mae Radio Ysbyty Gwynedd ar gael nawr ar Alexa – gofynnwch i Alexa ‘Play Bangor Hospital Radio’.
Gall cleifion yn Ysbyty Gwynedd wrando ar Radio Ysbyty Gwynedd ar sianel 1 ar eu clustffonau yn yr ysbyty. Gall ein cymuned ehangach wrando ar-lein: www.radioysbytygwynedd.com, ar Ap Radio Ysbyty Gwynedd a hefyd ar Alexa.
Cafodd Radio Ysbyty Gwynedd ei enwi’n ‘Orsaf Radio Ysbyty’r Flwyddyn 2022’ y DU gan y Gymdeithas Darlledu Ysbytai ac enillodd hefyd y wobr ‘Efydd’ am ‘Orsaf Ddigidol y Flwyddyn’ yng Ngwobrau Radio Cymunedol 2022.
Mae’r orsaf yn mynd o nerth i nerth – yn gweithio ar raglenni elusennol arbennig i dynnu sylw at waith gwerthfawr elusennau lleol a chenedlaethol. Llynedd, bu’r orsaf yn cefnogi nifer o ddarllediadau allanol yn cefnogi digwyddiadau gwych gan gynnwys Gŵyl Gerdd Pier Garth Bangor 2023, Balchder Gogledd Cymru 2023, Relay For Life 2023 a Phenblwydd 75 y GIG.