Cafwyd perfformiad gwych gan Felin yn Saltney ar ddydd Sadwrn, Chwefror 4ydd, ond er rheoli tri chwarter cyntaf y gêm, llwyddo i golli 0-2. Methu rhoi y bel yn y rhwyd oedd y broblem. Dim ots beth oedd yr hogiau yn gwneud, nid oedd y bel am groesi’r llinell. Roedd hogiau Saltney hyd yn oed yn rhyfeddu eu bod wedi llwyddo i ennill!
A’r wythnos ganlynnol, Mynydd Fflint oedd yr ymwelwyr i Seilo, a nhwythau yn drydydd yn y gynghrair, ac yn ffansio eu hunain i fod efo siawns am y teitl. Eto, Felin yn chwarae yn dda iawn, yn creu cyfleoedd ac yn chwarae peldroed cywrain a chlefar yn erbyn tim da.
Aeth Felin ar y blaen yn gynnar yn yr ail hanner gydag Aled “Pob” Griffith, y capten yn rhwydo yn dilyn symudiad da i lawr yr asgell dde. Ar yr awr, bu rhaid i Jack Cain adael y cae ar ol tacl hyll iawn, a rhaid iddo fynd yn syth i Ysbyty Gwynedd. Posib y bydd o allan am gyfnod hir, gyda anaf i’w benglin. Gwellhad buan iddo.
Roedd yr amddiffyn yn fler yn gadael yr ymwelwyr i ddod yn gyfartal ryw bum munud yn ddiweddarach. Fel oedd y gêm yn dod tua’i therfyn, buasai gêm gyfatal wedi bod yn ddigon teg i’r ddau dîm. Ond gyda chic olaf y gêm i pob pwrpas, yn y 98ed munud, sgoriodd Mynydd Fflint i ddwyn y pwyntiau. Roedd ffawd unwaith eto yn greulon i CPD Y Felinheli.
Dwy gêm yn mis Chwefror lle ddyla Felin fod wedi cael o leiaf pedwar allan o chwe phwynt, a gorffen heb yr un! Rhaid i lwc droi rywbryd, yn erbyn Llanrwst mewn gêm gwpan Sadwrn yma (18ed) siawns?