gan
Frân Wen
Mae cwmni theatr Frân Wen yn sefydlu grŵp cymunedol creadigol newydd sbon ym Mangor.
Bydd y grŵp, sy’n agored i bobl dros 18 oed, yn cyfarfod yn rheolaidd i rannu, archwilio a chreu yn ei cartref newydd yng nghanol y ddinas.
Bwriad y gymuned newydd yw creu gwaith rhyfeddol mewn llefydd annisgwyl yn y ddinas a’r cyffiniau.
CREU A DATBLYGU O’R NEWYDD
Dan arweiniad artistiaid proffesiynol, mi fydd y criw yn archwilio straeon, creu sioeau, datblygu syniadau newydd a meithrin sgiliau creu theatr.
Bydd y sesiynau yn digwydd yng nghartref newydd y cwmni ar Ffordd Garth. Mae Nyth (enw’r adeilad) yn hwb celfyddydol, diwylliannol a chymunedol newydd i bobl ifanc ym Mangor,
MWY NA JEST PERFFORMIO
Mae creu theatr yn gymaint mwy nag actorion ar lwyfan a bydd y sesiynau yn archwilio bob math o sgiliau gwahanol gan gynnwys:
- Goleuo
- Sain
- Dylunio
- ‘Sgwennu
- Cyfansoddi
SUT I YMUNO
Mae ymuno am ddim ac ond troi fyny sydd angen.
I gychwyn, bydd y sesiynau yn digwydd ar:
Nos Fercher
08 + 15 + 22 + 29 Tachwedd
6:30pm – 8:30pm
LLEOLIAD
Nyth, Ffordd Garth, BANGOR LL57 2RW
Os oes gennych unrhyw anghenion hygyrchedd neu unrhyw ymholiadau eraill plîs cysylltwch â Frân Wen.