Cofio anwyliaid yn Felin

Ar 1 Chwefror 2025, bydd Eisteddfod bentref yn dychwelyd i’r Felinheli am y tro cyntaf ers hanner canrif.

Rywbryd yn y 1970au daeth yr Eisteddfod i ben, ond mae criw bach ohonom wrthi’n ei hatgyfodi, ac eisoes wedi derbyn cefnogaeth gynnes gan drigolion lleol.

Mae un ffordd benodol y gall pobol gefnogi ein gwaith, a thrwy wneud hynny gofio anwyliaid sydd wedi ein gadael. Bydd nifer o dlysau a gwobrau yn cael eu rhoi i enillwyr gwahanol gystadlaethau yn yr Eisteddfod, ac mae’r fath bethau’n costio pres! O’r herwydd, bydd yn bosibl noddi gwobrau er cof am anwyliaid. Bydd enw’r sawl sy’n cael eu coffàu a’r teulu sy’n noddi yn cael eu cynnwys yn rhaglen y dydd.

I ddysgu mwy neu i noddi gwobr, cysylltwch â ni dros e-bost eisteddfodfelinheli@gmail.com neu Facebook.