gan
Osian Owen
Bydd AS Bangor, Siân Gwenllian, yn cynnal ei chymorthfa nesaf ym Mangor.
Mae cymorthfeydd yn rhoi cyfle i Aelodau’r Senedd gyfarfod wyneb-yn-wyneb â’u hetholwyr, yn ogystal â bod yn gyfle i drafod materion lleol.
Yn ôl Siân:
“Mae cymorthfeydd wyneb yn wyneb yn rhan bwysig o ‘ngwaith, ond mi ddaethon ni i ben yn ddisymwth ym mis Mawrth 2020. Ers hynny bu’n rhaid delio â materion etholwyr yn rhithiol neu dros y ffôn.
“Cafodd cymorthfeydd stryd eu hailgyflwyno’n raddol, ond rŵan gallwn ddychwelyd i gynnal cymorthfeydd mewn canolfannau cymunedol ar draws Arfon.
“Mae llond llaw o’r cymorthfeydd hyn eisoes wedi’u cynnal, a’r wythnos nesaf byddwn yn ymweld â Bangor.”
Cymhorthfa gyda Siân Gwenllian AS 28 Hydref ym Mangor.
Dylai’r sawl sy’n dymuno trefnu apwyntiad ffonio swyddfa ar 01286 672076, neu drwy e-bostio sian.gwenllian@senedd.cymru.