gan
Brengain Glyn
Roedd hi’n Ddydd Miwsig Cymru ddoe – diwrnod i ddathlu’r Sîn Roc Gymraeg yma yng Nghymru. Dyma gyfweliad byr efo’r gitarydd, Llew Glyn, o Gwilym er mwyn dathlu’r diwrnod!
Enw: Llew Glyn
Band: Gwilym
Pa offeryn wyt ti’n ei chwarae?
Gitar
Pryd ddechreuist ti chwarae’r gitâr?
Deng mlynedd nôl, pan oni tua 12
Hoff gân gan Gwilym i’w chwarae?
Neidia
Hoff gân fel arall?
Gwalia
Be’ oedd yr albym cyntaf gan artist Cymraeg iti’i fwynhau fwyaf neu wrando arni?
Candelas gan Candelas
Pwy ydy dy hoff artist yn y Sîn Roc Gymraeg ar y funud?
Cowbois Rhos Botwnnog
Be’ oedd dy hoff gig di, neu’r gig mwya’ cofiadwy i Gwilym ei chwarae?
Tafwyl 2019 cyn Caryl Parry Jones
Disgrifia sŵn Gwilym mewn tri gair.
Hapus, pop a gitars!
Pe taset ti’n cael y cyfle i gydweithio ag unrhyw artist neu fand arall, byw neu farw, pwy fyddet ti’n ei ddewis?
Jarman
Be’ mae Dydd Miwsig Cymru yn ei olygu i ti?
Mae’n ddiwrnod pwysig iawn i ddathlu bandiau ac artistiaid Cymraeg!
Be’ ydy’r digwyddiad sydd wedi colli’r mwyaf o embaras i ti?
Gorfod chwarae solo Ifan ar Ddoe achos fod ei gitâr o ‘di stopio gweithio, a’i chwarae fo’n hollol iawn, ond yn anffodus yn y cyweirnod anghywir!
Be’ ydy’r cyngor gorau iti ei dderbyn?
“Ymarfer dy scales!!!” (Dwi dal ddim yn g’neud)
Pa berfformiad neu ddigwyddiadau wyt ti’n edrych ‘mlaen atyn nhw ‘leni?
Sesiwn Fawr Dolgellau a Gŵyl Y Dyn Gwyrdd
Ac yn ola’, be’ sydd ar y gweill gan Gwilym?
‘Da ni nôl yn y stiwdio yn gweithio ar ail albwm!
Diolch, Llew!